Welkom by ons tuiste
’n Tuiste waar sorg, rustigheid en menswaardigheid saam woon
By Harmonie Oord glo ons dat elke persoon die reg het om hul oudag in vrede en veiligheid deur te bring. Ons skep nie bloot ’n plek om te bly nie – maar eerder ’n ruimte waar elke inwoner met deernis ontvang word, en waar daar met respek na elke mens omgesien word.
Ons is ’n huis vir selfversorgende ouer persone wat afhanklik is van ’n SASSA-pensioen of ’n soortgelyke inkomste. Ons voorsien nie luukshede nie – maar wat ons wel bied, is ’n warm atmosfeer, geborgenheid en ‘n plek van lekker lag. Hier tel nie die grootte van jou kamer nie, maar die plek wat jy in ons harte kry.
’n Leefplek met waarde
HARMONIE is nie net ons naam nie – dit is die hartklop van ons diens:
-
HULPVAARDIGHEID
Ons ondersteun mekaar met omgee en hande wat help. -
AKTIEWE DEELNAME
Elke inwoner het ’n rol en word aangemoedig om deel te wees. -
RESPEK
Ons eer elke lewe, elke storie, elke mens. -
MAALTYE
Voedingsryke kos, bedien met ’n glimlag. -
OMGEE
Deur klein dade word groot verskil gemaak. -
NEDERIGHEID
Ons werk met sagte hande en nederige harte. -
INSLUITING
Hier is niemand alleen nie. -
ERVARING
Ons leer uit die lewe, en vier dit saam.
Wat ons bied
Sosiale aktiwiteite, wat vreugde en samesyn bevorder
Rustige tuin, wandelpaadjies en buitelug-omgewing
Klein, netjiese kamers, maklik onderhoubaar en gemaklik
Beperkte groter kamers op versoek en beskikbaarheid
Twee gebalanseerde maaltye per dag met donasies ontvang